ضياء: حاجة تضحك الناس بتتكلم على نوعية غناء المهرجانات ونسيوا إن الأصوات لا تصلح

كشف الموسيقار محمد ضياء عن رأيه في أزمة منع 19 من مؤدي المهرجانات من الغناء، حيث قال على حسابه الشخصي بموقع التواصل الاجتماعي «فيس بوك»: «الحقيقه انا ماعنديش كلام يتقال أو رد على الناس اللى مش فاهمه حاجه وبتتكلم في موضوع وقف أغاني المهرجانات والكلام اللي بيتقال ده».

وأضاف: «بجد حاجه تضحك الناس بتتكلم على نوعيه الاغاني وسايبين المهم اللي هو الأصوات لاتصلح للغناء ولا حتى الأداء وهو ده من أهم أدوار النقابه بان الصوت يعتمد أو لا يصلح للاعتماد».

وتابع: «وأنا كنت من ضمن لجنه القيد في اختبارات النقابه و هاني شنودة وسامي الحفناوي من خارج مجلس اداره النقابه وحاولنا كثير بكافه الطرق أثناء الاختبار نعطي أكثر من فرصه لهؤلاء الأصوات وعلى رأسهم حمو بيكا، ولكن للأسف كل المحاولات باءت بالفشل، يعني الناس دي أخذت فرصتها بجد وأعتقد أن هاني شاكر ورد النقابه قال كل حاجه ممكن تتقال».

واستكمل ضياء: «الأستاذ طارق الشناوي بيقول إن في صحفيين بيمارسوا مهنه الصحافة وهم مش أعضاء نقابه وبيكتبوا من خلال السوشيال ميديا، طيب ماهو في مطربين مهرجانات برضه بيغنوا على السوشيال ميديا وهم مش أعضاء، وفي النهايه لايصح غير الصحيح».