بالفيديو.. حلمي بكر لنجيب ساويرس: ليست لك قيمة وعيب عليك
شن الملحن حلمي بكر، هجومًا على رجل الأعمال نجيب ساويرس، قائلًا: «هاني شاكر له تاريخه لما يطلع واحد يقوله انت مبتعجبنيش على الهواء ده سب وقذف، واللي بيقول الكلمة دي رجل له قيمته المادية، ولكن بعد كلامه ده أصبح ليس له قيمة فكرية، ولا أدبية».
وأكمل بكر موجهًا حديثه لساويرس، خلال مداخلته الهاتفية مع الإعلامي معتز بالله عبد الفتّاح مقدم برنامج «تحت الشمس» المذاع عبر فضائية «الشمس»: «عيب انت بتدافع عن إيه بتدافع عن واحدة قالعة ملط وماشية في الشارع وتقولي هي حرة ده الغناء أخطر من هذا الغناء ذوق الشعب».
وأردف بكر مهاجمًا مطربي المهرجانات،: «بدأت هذه الجريمة منذ عصر الميتل ميوزك، والهدي ميتل ميوزك، كانوا يذهبون لقصر البارون ويهلوسون، وانتقل هذا الأمر للغناء المصري، ودوسنا على تاريخنا الغنائي، ومحتوى هذه الأغاني هي حبوب هلوسة عن طريق الغناء، أنا بسأل طفل بقوله مين مثلك الأعلى في الغناء قال لي: علي موزة اللي بيغني يا أندال يا ولاد الأندال؛ إيه ده هل هذه هي الأغنية التي تجسد إنجازات الرئيس السيسي، لم نر أغاني تخدم الدولة الوطنية منذ أغنية مصطفى كامل، وحسين الجسمي».
ومضى الملحن، قائلًا: «هذه الأصوات اللي بيغنوا ألفاظ خارجة اشمعنى دول مدخلوش السجن، دولا متسابين ليه خارج السجن، البنات لابسة مقطع من قدام ومن ورا وبيهلوسوا على أغاني المهرجانات زي اللي بيفقروا في الزار، الأطفال دلوقتي بتشيل مطواة في جيبها وبيقتلوا بعض نتيجة السينما والأغاني».
