«أغلى كيس بلح في العالم».. اتهام بالنصب ضد شركة «نون» يُثير ضجة بمواقع التواصل

تداول رواد مواقع التواصل الاجتماعي منشور لأحد مستخدمي فيسبوك يُدعى أحمد مجدي، يتهم شركة نون للتسق الالكتروني بالنصب مما أثار ضجة خلال الساعات الماضية.

اتهام بالنصب ضد شركة «نون» يُثير ضجة بمواقع التواصل

حيث نشر أحمد مجدي، منشور عبر صفحته الشخصية على "فيسبوك"، والذي وصف عملية النصب التي طالته من قِبل الشركة، بأنها أغلى كيس بلح في العالم، وهذا بعدما طلب ساعة Apple Series8 بمبلغ 16 ألف جنيه، ولكن جاءت له العلبة فارغة دون محتويات.

وجاء المنشور كالتالي: "أغلى كيس بلح ف العالم .. شركة noon Egypt باعولى علبة فاضية بـ ١٦ الف جنيه".

وتابع: "اشتريت ساعة Apple Series8 من شركة نون المحترمة وكتر خيرهم حطولى العلبة بتاعت الساعة بس طمعوا فالساعة والشاحن والـ strap الكبير ".

وأردف: "كلّمت الشركة ف قالولى المنتج طلع من عندنا بشكل سليم وشوف أنشف حيطة اخبط راسك فيها! ".

وواصل: "كمان قالولى ازاى حضرتك ماصورتش البوكس وانت بتفتحه!!! نداء لأى حد هيشترى من noon لازم تطلّع اليوتيوبر اللى جواك وتصور الـ Unboxing بتاع الـ Product قبل ماتفتحه ويكون قدام المندوب و ٥ شهود وياريت تطلع live كمان عشان يتبسطوا".

وأختتم : "ماشاء الله الحرامي لسه شغال معاهم ولبّسوا الفلوس للعميل وشكراً !!!!.. حسبي الله ونعم الوكيل.. تحذير من التعامل مع شركة نون".