عمرو أديب عن تجاوزات مرتضى منصور: اللي يغلط يتعاقب واللي يقول كلام خارج يتنفذ عليه القانون

أعرب الإعلامي عمرو أديب، عن استيائه من ما يحدث في الوسط الرياضي بمصر من مرتضى منصور، رئيس نادي الزمالك من تجاوزات وسباب للشخصيات الرياضية في مصر و خارجها.

وقال عمرو أديب في برنامجه الحكاية: "اللي يغلط يتعاقب واللي يقول كلام خارج يتنفذ عليه القانون.. أوعى تصدق إن مينفعش.. في قانون والنهارده اتحاد الكرة أصدر بيان شبه قوي على اللى اتعمل في الكرة المصرية من رئيس نادي الزمالك من تجاوزات وسباب للشخصيات الرياضية في مصر وأزمته مع الإنجليزي مارك كلاتنبرج خبير التحكيم و أزمته مع لجنة الانضباط".

وتابع عمرو أديب: "البيان فيه شئ مهم جدا أنه بيحفظ هيبة اتحاد الكرة لان لو هيبتة ضاعت قول على المسابقات سواء الدوري أو كاس مصر يا رحمن يا رحيم".

وأردف أديب قائلا: "الناس كانت بتقول هو اتحاد الكرة هيقدر يرد انما اتحاد الكرة طلع بيان واتخذ فيه قرارات وده مهم وطبيعي برضو لآنه العادي أنك تشتم فترد، الأول الناس كانت بتقول أحنا مش هنرد فيتشتم أكتر لكن لازم القانون يسود غلطان يتعاقب مش غلطان ميتعقبش".