إلهام شاهين عن ياسمين عز: «معرفهاش وأي حاجة مش عجبانا في المجتمع منروجلهاش هتتنسي وتموت»
أبدت الفنانة إلهام شاهين رأيها فيما تقدمه ياسمين عز في برنامجها كلام الناس المذاع عبر قناة إم بي سي مصر.
وقالت إلهام شاهين: «أنا معرفهاش والإعلام والصحافة بيعيدوا كلامها ولما بيتعاد بيتعملها دعاية كدا، ياجماعة أي حاجة مش عجبانا في المجتمع منروجلهاش هتتنسي وهتهدا وتموت التجاهل أحسن شيء».
وكشفت إلهام شاهين عن رأيها في المحتوى الذي تقدمه ياسمين عز المنحاز للرجل، حيث قالت: "ليه الرجل مايحطش الست تاج على رأسه، هي مش خناقة بين الراجل والست علشان نقول مين يعمل لمين ومين يهتم بمين، هما الأتنين لازم يهتموا ببعض لازم يحترموا بعض، ويكونوا قيمة جميلة في حياة بعض وبينهم ومودة ورحمة وسكينة".
