خالد الغندور يعلن اعتزال الإعلام الرياضي.. التفاصيل الكاملة
أعلن خالد الغندور نجم الزمالك السابق، انتهاء مشواره في قناة الزمالك الفضائية وابتعاده عن الإعلام لفترة، بعد حلقة الأمس من برنامج "زملكاوي".
وقال الغندور في تصريحات عبر قناة "الزمالك": "بعلن رسميًا انتهاء مشواري في قناة نادي الزمالك، ودي آخر حلقة ليا في القناة، عقدي منتهي من 30 نوفمبر الماضي، وبشتغل في القناة بقالي شهرين من غير تعاقد".
وتابع: "أنا تحملت شتايم كتير وإهانات كتير من كل الناس ومفيش مشكله مع المستشار مرتضى منصور، حتى لو فيه عرض في القناة فأنا مش مكمل".
وواصل: "حان الوقت للرحيل وقد ابتعد شوية عن الإعلام، الضغوطات بقت كتيرة أوي مش قادر أتحمل أكتر من كدا، وحابب أشتغل إعلام في هدوء".
واختتم خالد الغندور تصريحاته: "أنا بشتغل عشان بحب النادي، وأنا بسيب قناة الزمالك وهي قناة كبيرة، وبشكر الجميع وبشكر المستشار مرتضى منصور".
