«بهاء الدين محمد»: هكلم «ساويرس» بلغته والفن مش «هيصه»
رد الشاعر الغنائي بهاء الدين محمد على تصريحات رجل الأعمال نجيب ساويرس، مؤكدًا على رفضه لقرار نقابة المهن الموسيقية بمنع مؤدي المهرجانات من الغناء.
وعلق بهاء الدين محمد من خلال حسابه الشخصي على موقع التواصل الاجتماعي «فيس بوك» كاتبًا: «هكلمك بلغتك أنت عارف لما أقولك المبنى ده حلو قوى وتقولى بخبرتك ده مخالف لمواصفات السلامة وأنا أقولك بس عاجبنى ودى حرية وانت حاقد عليه علشان الناس بتتفرج عليه وتقولى غلط، أقولك ده اختيار شوف ساعتها هتحس قد إيه بالخطر؟».
وتابع: «أوعى تشوف الفن تسليه أو هيصه لأنك فاهم بس عنيد والأغنية مالهاش قانون يحكمها ولكن الأخلاق لها قانون اللى هى رقابة المصنفات ولكن اللى يسقط في اختبار النقابة مش من حقه يغنى من خلال القنوات الشرعية ودى قضية مش مهمة ومش هيشوفها ويفهمها إلا الفنان المتوافق عليه ولكن الجماهير في النهاية بتختار بذوقها ومزاجها فن أو غير فن».
