تامر أمين يفتح النار على مرتضى منصور: «بيعمل كل حاجة شمال»
هاجم الإعلامي تامر أمين، المستشار مرتضى منصور، رئيس نادي الزمالك، بسبب تصريحاته الأخيرة عن اتحاد الكرة والإعلاميين على الهواء.
وقال تامر أمين، خلال برنامجه "آخر النهار"، المذاع على قناة النهار: "الموضوع بقا بلطجة وصوت عالي وفرد دراع، كده الموضوع زاد عن حده".
وأضاف: "إزاي يجي واحد يدمر الأخلاق كده؟ مرتضى منصور بيعمل كل حاجة شمال، لا ضابط ولا رقيب عن ما يفعل، هو مرتضى منصور دولة جوا الدولة؟ هل هو فوق المحاسبة والقانون؟ عشان نطمن بس".
وتابع: "ده بيحصل بصفة يومية وبنتسب بأمهاتنا يوميًا، حازم إمام ذنبه إيه يتسب ويتشتم عشان إيه؟ مين يجيب له حقه؟".
وأكمل: "دلوقتي هيتقالكوا أنا أبويا حرامي وأمي مرتشية أنا راضية، لكن لامتى السكوت، وصلنا لمرحلة أن في إهانة للدولة المصرية"، لدرجة دي بنصغر من نفسنا؟ ليه الناس بتخاف ترد؟".
