عمرو أديب: «الزمالك بقى اسمه أبو تلاتة»
تحدث الإعلامي عمرو أديب، على سقوط الفريق الأول لكرة القدم بنادي الزمالك أمام فاركو، بثلاثية نظيفة في المباراة التي جمعتهما ضمن منافسات الدوري المصري الممتاز.
وقال أديب خلال برنامج "الحكاية" المذاع على قناة "إم بي سي مصر": "الزمالك اتغلب من فاركو تلاتة صفر، في ماتش غريب جدا، اللاعيبة ملعبتش والمدرب مدربش، أي لاعب في الزمالك كان بيترقص بسهولة".
وتابع: "مع احترامي لفاركو وشركة فاركو، لكن إيه اللي بيحصل، وأوعوا حد يقولي أصل لولا اللاعبية التلاتة، دول مين.. أنا عندي نصيحة صريحة لنادي الزمالك، لا تقيدوا لاعيبة ولا تصرفوا على مدرب.. الفرقة ضاعت".
وشدد: "الفرقة ضاعت وبقت تنزل تتلطش، النهاردة كنا بنلعب قدام فريق عالمي أي لاعيب في الدفاع أو الهجوم كان بيقع قدام فاركو، ومعانا مدرب عشان مش عارفين نمشيه ما إحنا مشيناه يومين ورجع تاني".
واختتم عمرو أديب تصريحاته: "في فرقة الدفاع بتاعها يغلط في التلات أجوال؟ أنت اللي مدي الكورة ليهم وهو خلاص بقي الزمالك أبو تلاتة بيتغلب على طول".
