عمرو أديب مُهاجمًا أمريكا والغرب: أين أنتم من صرخات السوريين؟ - فيديو
تساءل الإعلامي عمرو أديب، عن موقف دول العالم التي تتحدث دائمًا عن حقوق الإنسان من تجاهل تقديم المساعدات للسوريين المتضررين من الزلزال.
وخلال تقديمه برنامج "الحكاية" المذاع عبر فضائية "إم بي سي مصر"، قال الإعلامي عمرو أديب: "دول العالم اللي دايمًا بتكلمنا عن حقوق الإنسان، اللي كانت بتقول إلحق عندك مسجون مكانش معاه بطانية، اللي بيتعمل مع سوريا دا إيه دا الغرب كله من اتحاد أوروبي وأمريكا وخلافه شايفين الناس بتموت".
وأردف: "تخيلوا أنت واقف فوق مبنى وسامع الناس بتصرخ ومش قادر تطلعها.. 5 أيام الناس تحت الأنقاض سواء في المناطق التابعة للدولة أو غيرها، سامع العيل وهو بيعيط والست وهى بتصوت ومش قادر تطلعها".
وأوضح الإعلامي عمرو أديب، أن دول الغرب تتحجج بوجود عقوبات وتدعى بعدم ضمان وصول المساعدات والأموال إلى المواطنين، متساءلًا: "انتوا عاملين عقوبات على مين الإدارة والحكومة ولا الشعب؟".
