«واقعنا على شفا حفرة من الانهيار».. الحزن يخيم على أصالة متأثرة بـ زلزال سوريا

قدمت الفنانة السورية أصالة، الدعم لمتضرري الزلازل في سوريا، ولم تكتف بتقديم الدعم المعنوي فقط، وتبرعت بأجر حفلها التي أحيتها في مدينة دبي.

وواست أصالة نفسها ثم متضرري الزلازل، متأثرة بما حدث لوطنها وأهلها في سوريا، قائلة: "مرّات بيكون فيه ليالي وكأنّها هربانه من حلم .. وبما إنّنا مُحاطين بالكوابيس والآلام وواقعنا على شفا حفرة من الانهيار .. وغرقانين ببحر هموم ما بين امبارح واليوم حتّى بكرة .. صرنا بحاجة قشّة نتعلّق فيها بلكي بتوصلنا على شي بر".

وتابعت أصالة: "امبارح ماكنّا أنا وفرقتي لحالنا عالمسرح عم نقدّم مساعدة نفسية إلنا وننقلها للموجودين .. كلنا حسينا إنّنا بوسط حشد من أرواح طاهره عمّ تعزف معنا وتغنّي وعلينا ورحنا بعيد وتركنا بمطرحنا الهمّ أمانه لنرتاح ونرجع تقوى علينا نلاقي له حلّ ودائماً الحلول مابتنوجد إلّا لمّا نهدى شوي .. امبارح حسّينا بحضن كبير كلنا تجمّعنا فيه والمحبّة كانت نقيّة صافية مندفعة طفوليّة لمستنا كلنا بدون استثناء".

وأضافت أصالة: "وأحلى شي صار امبارح إنّنا قدّمنا هالمعونة ممزوجة بالفنّ والطّيب بداية منّ صانع هالليلة غير العاديّة الكريم الرجل اللي بفتخر بأخوته وصداقته السيّد عمر الدّهماني من الإمارات العظيمة اللي قدّم كلّ ريع الحفل لأهلنا بسوريا الممتحنة سوريا التاريخ والأصاله الموجوعه وصرختها صارت الأعلى بين كلّ بلادنا الموجوعة".

وأكدت: "بدعي ربّي يجمعني بحبايبي وأهلي بوطني الغالي قريب وطالما مازال الخير موجود الأمل دائماً موجود .. شكراً دبي على وجودك زهرة نشوفها ونستمتع فيها مصدر أمان وسعادة للعالم أجمع".