ياسمين عز: «قدم لزوجتك حفنة تراب من تحت رجلك في عيد الحب» - فيديو

ناشدت الإعلامية ياسمين عز، الأزواج بتقديم حفنة من التراب لزوجاتهم لمعرفة مدى رضاهم وحُبهم لأزواجهن.

وخلال تقديمها برنامج "كلام الناس"، على فضائية "إم بي سي مصر" اليوم الخميس، قالت "عز": "بمناسبة عيد حُب الرجل اسمع يا فرعون يا تاج الراس يا برطمان العسل يا خلية النحل يا منبع السكر يا أصل الحلا والغلا يا طير وطاير في السما يا فرحة حزننا يا نعمة ربنا راسك هى الهدية وعيونك هى فيونكة".

وتابعت: "هى عايزة هدية مش مكفيها راس الفرعون عايزة هدية حاضر، فرعونا اللي مفيش منه، استأذنك من فضلك هنمشي بالمثل اللي قال حفنة من تراب الرجل بالدنيا واللي فيها".

وخاطبت كل "فرعون"، قائلة: "روح جيب لها حفنة تراب من تحت رجلك وحطها لها في منديل حرير واربطه بفيونكة حمرا علشان مايقولوش عليك بخيل وأنت أبو الكرم كله".

وأضافت: لو هى تعرف قيمتك أو قيمة التراب اللي أنت ماشي عليه مش هى قبل الجواز كانت بتقولك بموت في التراب اللي بمشي عليه نشوف بقا لما تجيبلها حفنة تراب هتعمل إيه.. والراجل عنده قلبين واحد في صدره والثاني في رجله".