ياسمين عز: «لو جوزك واخدك يأكلك مينفعش تتسحبي من لسانك وتكلمي الجرسون»
وجهت الإعلامية ياسمين عز، مجموعة من النصائح للسيدات يجب الالتزام بها أثناء تواجدها في المطعم، قائلة: "لو قاعدين في مطعم أو كافية وحوزك واخدك أكلك مينفعش تتسحبي من لسانك وتتكلمي مع الجرسون اللي بياخد الطلبات".
وقالت ياسمين عز، خلال برنامجها "كلام الناس"، المذاع على قناة إم بي سي مصر: "هتقوليله من فضلك تطلبلي نصف بطة بالبرتقال وعصير برتقال، فيقوم يطلب من الجرسون راجل لراجل، لأن الحتة دي بتضايق الرجالة جدًا".
وأضافت: "مفيش حاجة اسمها أمدح في حد أو أي كائن وجوزي قاعد منور الدنيا قدامي، لا حد ولا حاجة، أي حاجة ممنوع تمدحيها قدام جوزك، مثلا عصير البرتقال لو حلو قولي للجرسون، حلو بس مش أحلى من جوزي، متبصيش للراجل وهو بيسألك، لأن جوزك مصنع الحلى".
