«مش أهم منه».. ياسمين عز: مينفعش تدخلي الحمام من غير ما تستأذني جوزك

قالت الإعلامية ياسمين عز، إنه يجب على الزوجة احترام زوجها، معلقة: "مينفعش يا مدام يكون جوزك قاعد في الصالة بيتكلم وأنتي تقومي فجأة كدة تروحي الحمام من غير ماتستأذني منه".

وأضافت ياسمين عز، خلال برنامجها "كلام الناس"، المذاع على قناة إم بي سي مصر: "أنتي ممكن بمنتهى اللطافة تستنيه لما يخلص كلامه براحته ويقوم هو الأول وبعدين أنتي تقومي تروحي الحمام براحتك، الحمام مش أهم منه".

وتابعت: "لما تيجي تستأذني منه اتكلمي بلطف، استني لما يخلص كلامه أو يقف وقفة معينة واعملي مداخلة بسرعة، وهو بيسحب نفس علشان يكمل الجملة اللي بعدها تتكلمي بسرعة قبل ما تقطعي أول كلمة في جملته الجاية".