ياسمين عز: «ماينفعش تتفلسفي على جوزك قدام الناس وتعملي نفسك فاهمة أكتر منه»
وجهت الإعلامية ياسمين عز، حديثها للسيدات بضرورة عدم انتقاد زوجهن أمام الآخرين، قائلة: "مينفعش ومش من الذوق أبدا إنك انتي وجوزك في تجمع وتطلعي زي القنفد وتطلعي نفسك فيلسوفة عصرك وأوانك قدام جوزك".
وتابعت ياسمين عز، خلال حلقة برنامج "كلام الناس"، المذاع على فضائية "إم بي سي مصر"، موجهة حديها للسيدات: "ياريت قبل الجواز تنسفي روح الفيلسوفة اللي جواكي وتبعدي تماما عن التفلسف على جوزك قدام الناس".
وأشارت إلى أن المرأة أمامها حلين: إما تحتفظي بالمعلومة لنفسك أو تكلمي نفسك بيها قدام مراية الحمام.
واستطردت: "إياكي ثم إياكي تسألي جوزك فرعونك عن الطريق وانتوا خارجين مع بعض عن المكان هو عنده بوصلة وخطة استراتيجية جغرافية ماشي بيها".
