حمو بيكا لـ تامر عبد المنعم: هاخد حقي بالقانون

كشف مطرب المهرجانات حمو بيكا تفاصيل جديدة عن أزمته مع نقابة المهن الموسيقية وذلك من خلال فيديو نشره على حسابه الرسمي عبر موقع الصور الشهير «إنستجرام» وقاله خلاله: «اللجنة طلبت مني أغني لـ أم كلسون وحليم ليه بتحصروني في الحتة دي، أنا راجل بغني مهرجانات وداخل لك بجمهوري اللي بيحبني وبيحب فني، احنا في 2021 زي ما سمعناكم اسمعونا وحبونا وحبوا فننا».

وتابع: « لقيت ندوة كبيرة معمولة فيها فنانين فنان اسمه تامر عبد المنعم، قال مش هتكلم غير لمًا الناس تنزل من على المسرح، المكان اللي اتعمل عليه الندوة اسمه المنصة متقولش مسرح أنت مش واقف تغني».
واختتم «بيكا» حديثه قائلًا: «أنت بتتكلم باسم مصر، أنا مصري وبحمل هوية مصرية وعندي ولاء أكتر منكم في البلد دي، البلد فيها قانون وهناخد حقنا بالقانون ملكش أنك تمنعني، وفيه تصريح طالع من عندهم أننا نغني خارج مصر ليه، احنا في بلد حرية، احنا بنطلع بره بنتكرم انتوا بتحرمونا بالإهانة والشتيمة والبهدلة، ارحمونا شوية احنا عملنا ايه لكل ده، قدمت أوراقي كاملة لنقابة المهن الموسيقية للحصول على العضوية».
ومن جانب آخر تداول رواد السوشيال ميديا أنباءً حول حصول حمو بيكا على درجة الدكتوراه في الظاهرة الكونية من إحدى الجامعات السعودية، مما عرضه للكثير من الإنتقادات.
وخرج «بيكا» عن صمته لينفي هذه الشائعات، مؤكدًا إن الأنباء المتداولة حول حصوله على درجة الدكتوراه غير صحيحة، موضحًا أن الأشخاص الذين ظهروا معه في الصورة يمتلكون أحد مكاتب الصرافة وأهداه خنجرًا مطليًا بالذهب كدعاية للمكاتب الخاصة بهم.

وكانت نقابة المهن الموسيقية أصدرت قرارًا بمنع عدد من مطربي المهرجانات من الغناء، وتضمن القرار 19 مطربًا منهم: حمو بيكا، حسن شاكوش، وكزبرة، وحنجرة، وأبو ليلة، وأحمد موزة، وريشا كوستا، وغيرهم.