«ده خير بلدكم».. مفاجأة سارة من الرئيس لمتضرري السيول بأسوان

اشتكت مواطنة، من محافظة أسوان وإحدى متضررات السيول، للرئيس عبد الفتاح السيسي أزمتها، قائلة: «وشك خير علينا كلنا، ويوم المطر قولنا فيه خير جاي، والخير وصل النهارده».

وأضافت: «إحنا بفضلك فاحت أنوار البهجة والسرور في منزلنا المتواضع، في قريتنا المتواضعة»؛ ليقاطعها الرئيس السيسي، قائلًا: «بفضل الله»، بحسب ما أفادت به فضائية إكسترا نيوز.

ومن جهته أجابها الرئيس السيسي، قائلًا: «إنتم عايزين إيه؟ أنا جاي عشان كده هنعمل كل حاجة ليكم، يهمنا تكونوا مطمئنين، مش هنسيبكم، اللي انتم عايزينه هنعمله».

وأضاف: «فيه 500 شقة جاهزين، تجيبوا شنطة الهدوم بس، وممكن نجيب الهدوم كمان»؛ لترد السيدة صاحبة المنزل: «ده اللي كنا متوقعينه منك»، فعقب الرئيس السيسي: «ده خير مصر، محدش بيعمل حاجة من عنده، ده خير بلدكم».