حالة واحدة تمكن مطربي المهرجانات من العودة للغناء.. إليك التفاصيل

وجه الإعلامي محمد موسى، كلمات نارية لمطربي المهرجانات حمو بيكا، بعد تصريحاته ضد الفنان هاني شاكر نقيب المهن الموسيقية عقب قرار الأخير الصادر بمنع مطربي المهرجانات من الغناء .

وقال محمد موسى خلال تقديم برنامج «خط أحمر» على قناة الحدث اليوم، موجها حديثه لحموا بيكا : «والله لو قفلت بؤقك وبطلت كلام خالص موضوعكم هيتحل بأنهم يلتحقوا بمعهد الموسيقي بنقابة الموسيقيين ويتعلموا يعني إيه غناء».

وأضاف، قائلا : « هو كل حد مسك حديدة وقال كلمتين إسفاف خلاص هيحسسنا إنه فتح عكا ، مردفًا : «بيكا حسستني أنك كنت بتحرر الأرض في 73».

وأردف: «يا إبني أنت كنت فين لما كنا بندافع عن البلد دي وبنتصدي للمؤامرات اللي عليها من 2011 حتي الأن طبعا تلاقيك كنت بتروح تتفرج علينا في المليونيات اللي كنا بنعملها وبنقف علي المنصات في كل حتة في مصر عشان نحشد الناس ضد حكم الإخوان الارهابية مكانش حد يعرفك ولا يسمع لك اسم».