محمد رياض: «اعتزلت كرة القدم بسبب لاعب أسرع من محمد صلاح»

حل الفنان محمد رياض ضيفًا على برنامج معكم مع الإعلامية منى الشاذلي، وكشف خلال اللقاء عن تفاصيل احترافه لكرة القدم في بداياته، وسبب اعتزاله.

وقال محمد رياض إنه كان متعاقد مع نادي درجة تانية، تحت سن 17 سنة و19 سنة، متابعًا: "وقتها طلعنا الدوري الدرجة الأولى وبنلاعب الأهلي والزمالك والفرق دي، وإحنا كنا فرقة بلا تمويل، مكنش فيه فلوس وكنا بنشتري الحاجات على حسابنا".

وتابع: "كنا بنلاعب نادي اسمه نادي المية، وأنا كنت بلعب باك رايت، في الشوط الأول الكورة اترمت من ورايا وشايفها عدت من فوقي وبيني وبين لاعب الفريق التاني 5 أو 6 أمتار قلت هلف براحتي ده مش هيجيبني، وبصيت لقيته في ثانية مشوفتهوش الواد صاروخ خد الكورة وجاب جون، أول جون جه بسببي".

وأضاف: "الفريق التاني عرفوا إني مش عارف ألحق الواد، فبقوا يرموا الكورة من ورايا والواد صاروخ، كان أسرع من محمد صلاح، خلصت الشوط الأول والندرب غيرني، فدخلت أوضة اللبس وغيرت ورجعت البيت واعتزلت ومروحتش النادي تاني خالص".