بلاش نجرح في بعض.. خالد ميري: «قالوا أني عايز ألغي البدل وأنا اللي جبت أكبر زيادة»
كشف الكاتب الصحفي خالد ميري، المرشح علبى عضوية نقابة الصحفيين، حقيقة حدوث أي خلاف دار داخل مجلس النقابة، قائلًا: "أنا احترم هذه المؤسسة جوا مجلس النقابة".
وقال "ميري"، خلال استضافته ببرنامج "كلام في السياسة"، المذاع على قناة إكسترا نيوز: "أنا مبشوفش مهندس بيتكلم عن زمايله ولا طبيب أو مدرس بيتكلموا عن زمايلهم".
وأضاف: "لكن دايما بشوف زملاء لينا بيطلعوا يخوضوا في أعراض بعض، الحالة دي بتسيء لينا كلنا، وبتخلي ثقة المجتمع فينا تتهز، واتفاجئت أنهم قالوا خالد ميري عايز يلغي البدل، خالد ميري اللي اشتغل وحاول يجيب أكبر زيادة".
وأكمل: "اللي قال كده كده البدل هيزيد هو نفسه اللي راح عمل لقطة انتخابية ويقدم ورقة ويقولك أنا طالب أزود البدل".
واختتم: "بحترم زمايلي والنقابة والجمعية العمومية، والمهنة دي لأني مشتغلتش غيرها، خلينا مع بعض وبلاش نجرح في بعض، وقليل من الرقي".
