علا غانم: «زوجي أكبر مني بـ16 سنة وكنت محتاجة راجل يكون سند»
تحدثت الفنانة علا غانم عن تفاصيل كشفتها عن حياتها الشخصية وخلافها مع زوجها الذي اكتشفت أنه أهداها شبكة زواجها «إزاز».
وتابعت: «الـ11 سنة اللي عشتها مع جوزي ماكنوش نعيم، من أول دقيقة وأنا عايشة جحيم وأكاذيب ابتدت بشبكتي اللي طلعت فالصو، وبعد شهرين اكتشفت إني لابسة شبكة إزاز، ومعملتش أي رد فعل عشان مفشلش لتالت مرة وكنت متصورة إنه يمكن يتغير».
وأضافت :«وأنا لما اتجوزته كان عشان كنت محتاجة في المرحلة اللي أنا فيها راجل جنبي، هو كان أكبر مني في السن بحوالي 16 سنة، حسيت إن هو هيكون احتواء ليا، وسند، هيساعدني في اللي جاي، لكن لقيته بيهددني بنشر مشاكلي على السوشيال ميديا لو استمريت في طلب الخلع».
