خالد الجندي يرد على منتقدي المشروعات القومية: «دول دماغهم في حلة الشوربة وحتة اللحمة»

كشف الداعية خالد الجندي، عن مدى أهمية المشروعات التي تقوم بها الدولة وخاصة في مجال البنية التحتية.

وانتقد الجندي، خلال برنامجه "لعلهم يفقهون" عبر شاشة "dmc"، عدم تقدير المواطنين لتلك المشروعات.

وتابع: "مشكلة الدولة إنها بتدفع مليارات الجنيهات علشان توفر بنية أساسية فيها كل الخدمات".

وأضاف: "بعض الناس مش واخدة بالها من مشروعات الصرف الصحي.. لولا الصرف الصحي كانت الطرق أدمرت.. وفيه مرتزقة وخونة وضعاف عقول مش عاجبهم الطرق والكباري.. لولا المشروعات دي كنا هنصاب بحالة تجمد".

وواصل: "إحنا كنا بنفضل بالتلات أربع ساعات علشان نتحرك من منطقة للتانية.. إحنا كنا بنتحاشى بعض المناطق المختنقة المرورية.. هو إحنا كان عندنا طريق سليم".

واستكمل: "الناس لسه دماغها في حلة الشوربة وحتة اللحمة.. الأكل مهم لكن فيه حاجات ليها أولويات وإلا كنا هنضيع".

واستطرد: "الحاجات دي مش بتتشاف من بعض الناس اللي بينكروا مجهود الدولة علشان فيه شوية ارتفاع في الأسعار".

وقال الجندي: "لو اتوصفت إني بطبل لبلدي.. آه أنا بطبل لبلدي.. أنا مش هعمل حساب لبعض الخونة اللي عاوزين يعيشونا في غم".

وتابع: "النبي محمد بيقول لن يشكر الله من لا يشكر الناس.. الرئيس افتتح مجمع مصانع الأسمنت الأزوتية اليوم.. دي قضايا مصيرية لكن مفيش توعية بيها.. معاه حق الرئيس لما قال لازم الإعلام لازم يلعب دور توعوي بالمشروعات دي".