أحمد آدم: بقالنا 4 شهور بتسمع أن شيرين وحسام حبيب رجعوا واتطلقوا

علق الفنان أحمد آدم على أزمة شيرين عبد الوهاب وحسام حبيب.

وقال آدم، خلال تصريحات تليفزيونية: "الخبر اللي ما بيتغيرش هو انفصال شيرين وحسام حبيب".

وأضاف: "بيطلعوا يقولوا الكلام ده كدب، والكلام ده مش كدب، أنا لما بشوف الخبر ده كأني شفته أربعين مرة، بحس أن الأيام رجعت أو ده خبر قديم، أو ده مسلسل 40 جزء، أو التليفون هنج مننا ومعندناش غير شيرين وحسام حبيب، وبعدين يطلعوا يكدبوا، وناس تانية تطلع ما تكدبش".

وتابع: "هما خبرين عمالين نسمعهم بقالنا 4 شهور، حسام وشيرين رجعوا، حسام وشيرين اتطلقوا".