أحمد آدم: «من رأيي شيرين عبدالوهاب تتحجب وحلا شيحة تتجوز حسام حبيب»
عرض الفنان أحمد آدم خلال برنامجه خبر أزمة شيرين عبدالوهاب وحسام حبيب، حيث قال: "الخبر اللي ما بيتغيرش، انفصال شيرين وحسام حبيب".
وتابع: "يطلعوا يقولوا الكلام ده كدب، أنا لما بشوف الخبر ده كأني شفته أربعين مرة، بحس إن الأيام رجعت أو ده خبر قديم، أو ده مسلسل 40 جزء، أو التليفون هنج مننا ومعندناش غير شيرين وحسام حبيب، وبعدين يطلعوا يكدبوا، وناس تانية تطلع ما تكدبش".
وأضاف: "هما خبرين عمالين نسمعهم بقالنا أربع شهور، حسام وشيرين رجعوا، حسام وشيرين اطلقوا، حلا شيحة خلعت الحجاب، حلا شيحة لبست الحجاب، أنا من رأيي عشان نسمع أخبار جديدة، إن شيرين عبدالوهاب تتحجب، وحلا شيحة تتجوز حسام حبيب".
