«أنا مش من جمهورها ولا عمري هبقى منه».. رانيا يوسف تفتح النار على نادية الجندي
هاجمت الفنانة رانيا يوسف، نادية الجندي، قائلة: "ربنا أعلم لكن لما يبقى في حرب دايما من تحت تحت، والناس بتحارب بذكاء، أنا معنديش الذكاء ده".
وقالت رانيا يوسف، خلال استضافتها ببرنامج "العرافة"، المذاع على قناة النهار: "بحارب في العلن، مش من تحت لتحت، وأنا مش هاخد أدوارها فأحاربها ليه؟ لا هي في سني ولا أنا في سنها'.
وأضافت: "هي مش قصة أدوار على أد ما هي حاجات شخصية، هي مكنتش عادلة معايا في حاجات كتير.د".
وتابعت: "بالنسبالي نادية الجندي مش مقياس للنجومية، أول فيلم أنتجته كان بفلوسها، النجومية بتتعمل بطرق كتير، مش شرط الموهبة".
وأكملت: "بحترم إصرارها أنها تبقى موجودة وتعمل الافلام اللي بتحبها، أنا مش من جمهورها ولا عمري هبقى منه".
