نهى العمروسي لـ يوسف الشريف: «رافض التلامس شوفلك شغلانة تانية»
احتل اسم الفنان يوسف الشريف صباح اليوم تريند جوجل، وذلك بعد حديث الفنانة نهى العمروسي عن تصريحاته السابقة ورفضه للتلامس في الأعمال الفنية.
وقالت نهى العمروسي خلال لقاء تلفزيوني لها: «بشوف الناس دي مش محترفين، مينفعش أدخل على أبويا وأنا راجعة من السفر مايحضنيش اللي بيمثل دور أبويا، ماينفعش أكون قاعدة في البيت بالحجاب، المحجبين مبيقعدوش في البيت بالحجاب، مينفعش واحده بتعمل دور أختي في مشهد محضنهاش مينفعش إحنا بنمثل».
وتابعت: «مشفتش تعليق حنان ترك على اعتزالها بس بعيد عن الشخصنة أنا مش موافقه على المبدأ، إنما ممنوع اللمس، طب انت بتمثل ليه إنت حر بس شوف شغلانة تانية».
وأضافت: «يوسف الشريف بيرفض التلامس، هو حر وأنا لازم أحترمه بس أنا حرة إني أقول لأ، إنه مش محترف وده مش فن، مينفعش إنك تحطلي شروط وإنت شايف إن ده حرام متلعبهاش خالص، لكن إنت راضي إنك تشتغل الشغلانة دي تشتغلها بمصداقية أو تشوف شغلانة تانية».
