أحمد زاهر: «اللي بنجح معاه مش بيجيبني في شغل تاني»

حل الفنان أحمد زاهر ضيف حلقة جديدة من حلقات برنامج "The Nine Show" لـ دعاء صلاح، والذى يعرض على قناة الشمس فى تمام الساعة التاسعة مساء.

صرح الفنان أحمد زاهرأنه كان يريد أن ينجب ولدًا من أول ولادة لزوجته، ولكن ربنا رزقه ببنات، قائلا: كان نفسى أخلف ولد، وفى بنتى الأخيرة أعتقدت إنها ولد وحضرت لها اسم يونس ولكن ربنا أراد أنها تكون بنتًا.

تحدث زاهر عن فترة مرضه، قائلا: حسيت بيأس عندى مرضي بالغدة، وقولت خلاص انتهيت وبموت وقعدت 3 سنين في البيت من غير شغل، وطلقت مراتى بسبب مرضى.

وتابع زاهر، قائلا: أنا كنت 185 كيلوًا وكنت وقتها عايز أموت، ووقتها كنت عايز أبعد عن مراتى وبناتى ورفضت العلاج ومستسلم الموت، وفى هذه الفترة أصدقائى المقربون محدش سأل عنى 3 سنين.

وأضاف زاهر، قائلا: أى فنان بشتغل معاه وبنجح مش بيحب يشتغل معايا تانى، فى ناس بتغير ومش بتحب تشتغل معايا لاكل الجو منهم.

برنامج "The Nine Show" من تقديم دعاء صلاح، ويشاركها الاعلامى " احمد صلاح " يذاع يوميا فى رمضان فى تمام الساعة التاسعة مساء على قناة الشمس، وهو برنامج فنى يجمع باقة كبيرة من نجوم الفن ومنهم: نيللى كريم، ريهام عبدالغفور، هالة صدقى، أيتن عامر، وفاء عامر، محمود الليثى حمدى الميرغنى، شيماء سيف وغيرهم.