روجينا: «ستهم من أصعب الأدوار اللي قدمتها»
أكدت الفنانة روجينا على أنها تجتهد في تقديم أدوارها، قائلة: «أنا بجتهد دايمًا وبعمل اللي عليا وببذل مجهود، وبحب الشخصيات اللي بقدمها أوي".
وتابعت خلال مداخلة هاتفية مع برنامج كواليس: "بعد كل شخصية بعملها بحاول بعدها أدور على الأصعب، وأشوف أنا هعمل إيه أصعب، وبدخل حالة تحدي بين الدور والشخصية لحد ما تظهر للناس وتتفرج عليها وتبقى شخصية من لحم ودم، ولما الجمهور يبدأ يتفاعل معاها بحس سعادة».
وأضافت: «شخصيتي في ستهم صعبة للغاية، بدنيًا وذهنيًا بكل تفاصيلها، فأنا للمرة الأولى بقدم شخصية راجل».
