محمد صبحي: «بنكافئ مشاهير التيك توك بالظهور في المسلسلات»

انتقد الفنان الكبير محمد صبحي ما يحدث في الدراما مؤخرًا من الإستعانة بمشاهير التيك توك في المسلسلات، حيث قال في لقاء له ببرنامج VIP: "بقينا بنكرم البنت اللي بتنجح في التيك توك وبنخليها تشتغل في 7 مسلسلات مصرية".

وتابع: "سيدنا عمر بن الخطاب رضي الله عنه قال أميتو الخطأ بالصوات، يعني ما تفضلوش تتكلموا في الحاجات الخطأ، وأنا بقولكم متوجهوش الكاميرا للإسفاف يا جماعة".

وأضاف: "انتو اللي بتبروزهم، عايز الإعلام يروح للبديل، المفروض أنا أخلق البديل فالإساف يموت ويختفي، مصر كان فيها أعمال كوميدية تافهة، ولكن 90 من الباقي كانوا عباقرة ومفكرين، فظهر الكويس من الوحش".

واستكمل: "بقوا يصدروا التفاهة للشعوب اللي بتقف ليها طابور، يعني أولادنا بقوا يقعدوا على الموبايل بالـ 12 ساعة، وده طبعا يفرح الناس اللي ماسكة الوسائل دي وبتستفيد منها وبتكسب، بقى الجميع بيجري وراء التريند".