كريم فهمي: «في مخرج طردني زمان وبعدها بسنين طلبني يقولي نفسي أعمل معاك أي حاجة»
حل الفنان كريم فهمي خلال لقاءه في برنامج «أنا والقناع»، المذاع على فضائية «الحياة»، وكشف عن موقف طريف حدث معه خلال بداية حياته الفنية.
وقال: «هناك مخرج قام بطردي زمان، وقال لي إطلع برة اللوكيشن، وبعدها بسنين جالي تليفون منه بيقولي أنا نفسي أعمل معاك أي حاجة ومكنش يعرف إني أنا نفس الشخص اللي طرده قبل كده».
كما قال الفنان كريم فهمي إن الدنيا قد تجبرنا على أن نظل بأقنعة دائما في مواقف الحياة، معلقا: "إحنا عايشين بأقنعة طول الوقت".
وتابع: "وانت في بيتك بيكون في قناع عشان متحسسش أهل بيتك إن فيه مشاكل، وللأسف الراجل المصري اتربى على إنه مينفعش يبين الضعف لمراته وللأسف ده غلط إنه الراجل مينفعش يتوجع".
