ياسمين رئيس: أنا رقيبة على نفسي ومش عيلة عشان راجل يتحكم في تصرفاتي

قالت الفنانة ياسمين رئيس، إنها ترفض فكرة تغيير شكل جسمها من خلال الذهاب إلى دكتور تجميل، معلقة: "مش بيليق عليا هذا الشكل ولو حبيت أغير شكل جسمي هأكل مفتقة وبحس أني مش بيليق عليا وتخنت قبل كده 7 كيلو ومكنتش حابه شكلي خالص".

وأضافت ياسمين خلال حديثها ببرنامج "حبر سري"، المذاع على قناة القاهرة والناس: "لو جالي دور بنت تخينة مش هعرف ومهما كلت مش هعرف أتخن والفترة اللي تخنت فيها عشان كنت بأكل حاجات معينة في لبنان كلها بتخن".

وأكدت رفضها تدخل الرجل في كل تصرفات حياتها وتحكمه في كل شيء، قائلة: "أنا مش صغيرة ورقيبة على نفسي ومش عيلة عشان راجل يتحكم في كل تصرفاتي".