كندة علوش: ”الناس حياتها صعبة ودوري أطبطب عليهم”
حلت الفنانة كندة علوش ضيفة على برنامج طريق تالت عبر محطة راديو إنرجي ٩٢.١، ضمن الخريطة الرمضانية.
وتحدثت كندة علوش عن العديد من المحطات الفنية قائلة: سبب علاقتها بالفن وحبها له منذ الصغر والفضل يرجع لوالدها قائلة: "مسيرتي اتغيرت مش بسبب أشخاص لا بسبب بيئة عشت فيها .. والدي كان طبيب أسنان وله أصدقاء من مجالات الفن والأدب وكان هدفي أشتغل في حاجة لها علاقة بيهم مش شرط التمثيل".
وأضافت: "الاشارات والناس اللي بتيجي في طريقنا حلوة وساعات بتغير الحياة بس بشوف إن اللي بيرسم طريقنا أكثر هو الحاجات العملية زي الاجتهاد والتركيز وقد ايه بتعمل خير في حياتك".
وعن علاقتها بالسوشيال ميديا، قالت كندة علوش: "اخترت إن السوشيال ميديا متدمرش حياتي أو تقودها هي منبر للتوعية وتوصيل رسالة خير أو أبقى صوت لغيري.. وبحب أبعد عن استفزاز الناس هما حياتهم صعبة ودوري أطبطب عليهم مش أتعالى بتفاصيل حياتي".
