تفضح جوازها السري.. حرب ساخنة بين رضوى الشربيني وياسمين عز
حرب ساخنة اشتعلت بين الإعلاميتين رضوى الشربيني وياسمين عز، من خلال حساباتهم الشخصية على موقع التواصل الاجتماعي "إنستجرام".
وكتبت رضوي الشربيني: "بحب أوي الست اللي اتربت على الأصول والرقي في التعامل وعندها فن الرد".
وأضافت: "الست اللي ليها كيان وكرامة تتحدث بشكل لائق ولا تتصرف وتتكلم كعبدة أو مملوكة، الست اللي بتقف جنب أي حد مظلوم من غير ما يفرق معاها أي حد".
ورددت ياسمين عز عليها قائلة: "بحب أوي الدعسوقة، التي لا تتصرف كعبدة أو مملوكة على الأقل كان ليهم سعر، بل تتصرف برخص كخرابة بيوت أو ببلاش كخطافة الزواج في السر".
وأضافت عز: "بحب أوى المسترجلة، اللي علي راسها بطحة وعايزة تستخدم كلمة مظلوم كصفة، في حين ان استخدامها وإعرابها كاسم، أحلى وأوقع تقل الاسم بيخوف".
واختتمت قائلة: "بكرة الحصة الجاية، عندنا مجموعة من الأسماء هنعربها كلنا مع بعض، غدا قصائد شتوية وجرائد صيفية نقطة".
وبدأت هذه الأزمة بين الإعلامية رضوى الشربيني، بعد سخريتها من تصريحات سابقة لعز، قالت فيها: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها".
فردت ياسمين عز على رضوى الشربيني في منشور عبر "فيسبوك"، قائلة: "ويحك يا دعسوقة، كرامة إيه يا أم كرامة بلاستيك، انتي شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، وبلاش نشغل أسطوانة المرأة الحديدية، علشان المرأة نفسها لو عرفت انتي إيه هيجيلها صدمة دماغية حضارية".
