بعد انتقاد مداخلته مع الزعيم.. عمرو أديب يدافع عن شريف عامر: «شغلتنا مش سهلة»
علق الإعلامي عمرو أديب، على الانتقاد الذي تعرض له شريف عامر، في أعقاب المداخلة الهاتفية التي أجراها مع الفنان عادل إمام في يوم عيد ميلاده.
وقال عمرو أديب، خلال برنامجه "الحكاية"، المذاع على قناة إم بي سي مصر: المذيعين نوعين، نوع يحسب الأشياء بشكل دقيق، ونوع مبيحسبش حاجة خالص، لا ده صح ولا ده غلط".
وأضاف: أنا عارف شريف فكر إزاي في اللحظة دي، أنه مش عايز يضغط على الراجل ويخليه يقول حاجة مش حلوة.
وتابع: شريف كان مقدر أن الراجل داخل معاه يوم عيد ميلاده ومش عايز يضايقه، في مذيع تاني معندوش المشكلة دي، شريف قرر يبقى ظريف ولطيف وإنسان.
واختتم: شغلتنا مش سهلة، وشريف قرر يكون إنسان في المكالمة ورفقا يا جماعة مش كله إنجاز وانتصار.
