صبري عبدالمنعم: «صديقي من الوسط نصب عليا في 1.9 مليون جنيه وفقدت كل ما أملك»
تحدث الفنان صبري عبدالمنعم عن تفاصيل تعرضه للنصب من قبل أحد أصدقائه في الوسط الفني، وكشف عن خسارته لـ 1.9 مليون جنيه، وفقد جميع ممتلكاته المادية التي ظل يجمعها على مدار حياته.
وتابع الفنان صبري عبدالمنعم: «من قام بالنصب عليا واحد أعرفه من 10 سنين، وبنقعد مع بعض، قولتله عايز أبيع الشقة دي تحويشة 50 سنة شغل، وعشان عيالي ياخدوا الفلوس، وعملت عملية في القلب، وكنت تعبان وبيجيلي الزهايمر من حين لآخر».
وأضاف: «جالي صاحبي بعدها بأسبوعين وقا لي جبتلك مشتري للشقة وادتله عقود الشقة، هو شخص من الوسط بس الكارير بتاعه مختلف، ومش هقدر أكشف شخصيته لأن هناك تحقيقات جارية في الأمر، وأنا عمري ما خنت حد ولا عديت فلوس ورا حد».
واستكمل: «نزلت معاهم البنك وكان الشيك بالدولار وقالولي اسأل بعد 45 يوم، ورحت ولقيت التوكيل بتاع المشتري متغير ومكتوب باسم واحدة تانيه، ومش الواحد اللي أنا مضيت عقده، ورحت معاهم وأنا في حالة مذرية وتعبان جدا، ومخدتش ولا جنيه».
