أحمد سليمان يهاجم شوبير: «الزمالك مزعلك في إيه عشان ترفض إن القيد يتفتح قبل البطولة العربية»

فتح أحمد سليمان عضو مجلس إدارة الزمالك السابق، النار على الإعلامي أحمد شوبير بعد تصريحاته عن رفض اتحاد الكرة فتح القيد للزمالك قبل البطولة العربية.

وقال “شوبير” :”البطولة العربية ستنطلق في 20 يوليو القادم، وهل سمعتم عن أسماء لاعبين الزمالك يتفاوض معها، لغاية دلوقتي مفيش، والناس بتقول القيد ومفيش أي مفاوضات تتعلق بصفقات جديدة، إمبارح كان فيه تصريحات اللواء ثروت سويلم عن حل أزمة القيد للزمالك قبل البطولة العربية”.

وأضاف: “تحدثنا مع الناس في اتحاد الكرة قالوا هذا الأمر غير وارد وصعب تنفيذة، ولايوجد هناك فتح قيد استثنائي للزمالك أو أي ناد آخر، مسؤولو اتحاد الكرة أكدوا أن بداية مشاركة الزمالك في البطولة العربية سيكون الدوري بشكل كبير ما زال مستمر “.

وقال أحمد سليمان في تصريحات تليفزيونيه ببرنامج” اللعيب” عبر قناة” mbc مصر”: ” سبب مايتعرض له الزمالك من أزمات عوامل خارجيه وداخليه، طول عمر الإعلام وإتحاد الكرة قوي مع الأهلي ومفيش دعم للزمالك”.

وتابع:”حضرتك امبارح ثروت سويلم قال ممكن اتحاد الكرة يحل ازمة القيد للزمالك قبل البطولة العربية، طلع أكبر إعلامي أهلاوي قال لا مش هيتم ليه ماميتمش، بتعمل كده ليه؟ هي لو طلبوا الاهلي تأجيل مباراه مش هيوافقوا وهندعمه”.

وأضاف: “انت بتعمل ليه كده، كلنا ماسكين في البطولة العربية وأمل للزمالك، وبشرى سارة فتح القيد، وأكبر إعلامي وله مصالح مع الأهلي يقول لامفيش قيد انا اتصلت باتحاد الكرة، هو مزعلك في ايه انه يتم فتح القيد للزمالك؟، لو الأهلي محتاج تأجيل هنقف معاه”.