حلمي بكر: هاني شاكر خايف الجمهور يقول عليه قليل الأدب

تحدث الموسيقار حلمي بكر عن أزمة منع مؤد المهرجانات ووجه رسالة للفنان هاني شاكر نقيب المهن الموسيقية، قال فيها: «يا هاني انت مطرب عظيم وخايف على جمهورك ليقول عليك زي ما قالوا عليا انت قليل الأدب انت أجريسف».

وتابع: «وده غلط .. طالما قعدت في منصبك ده .. يبقى تقول الحق .. اللي انت بتقوله بيني وبينك في التليفون .. مبتقولهوش ليه بقى قدام الناس والعالم وإن شالله لو هتفقد كل الناس بس أهم حاجة تقول رسالتك».

وأضاف: «لما مطرب يسقط 3 مرات في اختبارات النقابة، ويتدخل مسئول كبير ويتقاله اعملوله لجنة .. احنا هنصنعله صوت وغنا يعني ده حتى الطرب ده طلع وقال أنا مبغنيش أنا مش مطرب أساسا انتوا هتطلعوني من شعوري ليه، أقوم انط على التربيزة ديه دلوقتي المشكلة أن هاني اتدخل وقال جيبناله مدرس عشان يعلمه هل انت ياهاني جابولك مدرس عشان تغني؟ ده انت كنت موهوب من صغرك».

واستكمل: «أنا مش بتكلم كلام ضدك، أنا واقف في ضهرك .. بس يقوم ما آلاقي ضهرك مش موجود هاجي في وشك وهقولك».