هند عاكف تكشف سر تراجع ميار الببلاوي عن تبرئة وفاء مكي
تحدثت الفنانة هند عاكف عن تراجع زميلتها ميار الببلاوي عن التصريحات التي برأت فيها الفنانة وفاء مكي في قضية تعذيب الخادمتين.
وتابعت خلال لقائها في برنامج "المنسي" قائلة: "حاولت أساعد وفاء مكي في إنها حتى تبرأ نفسها قدام ابنها، إزاي يبقى عندي معلومة أساعد بيها حد واخبيها؟! مينفعش، وفاء مكي مش هتتحاكم تاني هي اتحاكمت خلاص، ولكن ممكن تتبرأ بشكل معنوي قدام الجمهور، وهي اتعاقبت قبل كدة، أنا محشرتش نفسي من الأساس لإن وفاء مكي وميار الببلاوي اخواتي، واستحالة أزعل حد فيهم واستحالة يبقى عندي حاجة تسعد حد فيهم واخبيها".
وأضافت: "ميار الببلاوي قالت لي جملتين تبرأ فيهم وفاء مكي من القضية اللي اتحبست فيها، لقيت وفاء مكي في انتخابات النقابة بتقولي أنا زعلانة من ميار الببلاوي فقلت لها متزعليش منها، دي هي اللى بتبرأك".
واستكملت: "أنا معرفش ليه ميار الببلاوي بعد ما برأت وفاء مكي رجعت تاني في كلامها وكذبتها، ولكن هي اللي تتسأل في كدة، ولكن أنا بالنسبة ليا الخوف أو التهديد عمره ما هيخليني أكتم شهادة الحق وأنا مبخافش إلا من ربنا لإنه هو الوحيد اللى هيحميني طالما برضى ربنا".
