ليلى طاهر تعلق على شائعة وفاتها|خاص

انتشرت خلال الساعات الماضية أنباء عن وفاة الفنانة الكبيرة ليلى طاهر محبيها، ما جعل محبيها في حالة قلق عليها، واحتلت النجمة تريند جوجل بعد هذه الشائعة.

وقالت الفنانة ليلى طاهر في تصريح خاص لبوابة "مصر 2030": "أنا بخير ودي إشاعة سخيفة مش أول مرة تطلع عليا أو على الفنانين الكبار وما بقيتش بضايق منها خلاص لأنها اتكررت كتير، والمفروض يكون فيه عقاب لمروجي هذه الشائعات ويكون فيه قوانين تحكم السوشيال ميديا".

وكانت الفنانة ليلى طاهر قد كشفت سبب ابتعادها عن الفن، وقرار اعتزالها بشكل نهائي، مشيرة إلى أنها قدمت الكثير من الأعمال المهمة، وما يعرض عليها حاليًا يقلل من تاريخها الفني.

وقالت: "مش هرجع للفن وده قرار لا رجعة فيه، وأنا بقول إني عملت كل حاجة".

وأضافت: "اشتغلت في كل المجالات الفنية السينما والمسرح والتليفزيون، وقفلت صفحة مشواري الفني، لأن من بعد الثورة توقف الفن وأنا بعدت عن الفن فترة، وبعدين رجعت للفن وعملت حاجات تانية لفترة وبعدين قولت خلاص كفاية كدة".

واستكملت: "أنا عملت حاجات كتير حلوة وربنا وفقني وكسبت ثقة الناس، وأنا مش عايزة أعمل تاني حاجات بعد الفترة الطويلة دي تقلل من اللي عملته، لأن اللي هيجي هيبقى أقل لأن السن بيحدد الأدوار، وبقول أنا سيبت تاريخ حلو وكدة خلاص كفاية".