والد نيرة أشرف بعد إعدام قاتلها: أنا مش فرحان

قال أشرف الغريب والد نيرة المقتولة على يد زميلها: "الحمدلله بنتي دلوقتي هتستريح في تربتها، بعد ما ربنا رجعلها حقها وهتستريح في تربيتها، الحمد لله".

وأضاف في تصريحات صحفية عقب تنفيذ حكم الإعدام على محمد عادل "قاتل بنته"، اليوم الأربعاء: "انا مش فرحان لأن بنتي مش هترجع تاني، لكن ده عدل ربنا، عشان أحسن إن بنتي أخدت حقها، وهي دلوقتي أكيد مرتاحة في تربتها".

وتم اليوم الأربعاء تنفيذ حكم الإعدام في محمد عادل قاتل نيرة أشرف فتاة المنصورة، في تمام الساعة التاسعة صباحا، وتم نقل جثمانه إلى المستشفى الدولي بالمنصورة.

وتعود الجريمة إلى يوم 20 يونيو 2022، عندما قرر طالب جامعي يدعى محمد عادل قتل زميلته وتدعى نيرة أشرف، أمام باب جامعة المنصورة، بسكين حاد وبطريقة انتقامية، ليتم القبض عليه.

اعترافات القاتل

وبعد القبض عليه قال في التحقيقات: "أنا لازم أخلص عليها ومخليهاش على وش الدنيا، ونزلت يوم 20 - 6 2022 ومعايا السكينة، وركبت الأتوبيس، ولقيتها قاعدة هي وزمايلها، ولما شوفتها قلت دي فرصة أن أنا أريح نفسي وأخلص منها، وهي نازلة من الباص، وأول ما نزلنا هي كانت سبقاني بشوية، وأنا نزلت وكان كل اللي في دماغي أن أروح أخلص عليها، ومشيت وراها، وأول ما قربت منها طلعت السكينة من الجراب اللي أنا كنت حاططها فيه، وشفيت غليلي منها، وفيه ناس قربوا مني علشان يحوشوني عنها، فأنا قولتلهم محدش يقرب مني، وهوشتهم بالسكينة عشان محدش يقدر يخلصها من إيدي لحد ما خلصت عليها خالص، وساعتها فيه واحد مسكني من ضهري وشالوني بعيد عنها، وده كل اللي حصل".

الحكم على المتهم

تم إحالة المتهم لمحكمة جنايات المنصورة لمحاكمته، في 23 يونيو 2022.

وفي تاريخ 26 يونيو 2022، نظر أولى جلسات محاكمة المتهم بمحكمة جنايات المنصورة، وفي الجلسة التالية أحالت المحكمة في 28 يونيو 2022، أوراق المتهم لفضيلة مفتى الجمهورية لأخذ الرأي الشرعي بالإعدام.

في يوم 6 يوليو 2022، ورد رأي المفتي، وقضت محكمة جنايات المنصورة بإعدام قاتل الطالبة نيرة أشرف بإجماع الآراء.

الدفاع عن المتهم

وبالرغم من تصوير الجريمة صوت وصورة، في مشهد يدمي له القلوب، إلا أن ظهر عدد من المحامين مطالبين الدفاع على المتهم، ومن أبرزهم فريد الديب بطعن أمام محكمة النقض، لتنظر النقض الطعن بتاريخ 9 فبراير 2023، وتصدر حكم نهائي بات برفض الطعن وتأييد حكم الإعدام.

طلب محامي الفتاة تعويض مالي لأسرتها من القاتل محمد عادل قدره 10 ملايين جنيه، وقال محامي الفتاة إن في حالة إعدام المتهم، فسيتم مطالبة والدته وأسرته بدفع المبلغ.