السيسي: قولتوا بنهد الجوامع وبنحب الطرق.. أنتوا مش واخدين بالكم يعني إيه دولة؟
قال الرئيس عبد الفتاح السيسي، إنه عند تنفيذ الدولة المصرية المشروع القومي ترعة المحمودية بطول 20 كيلومترا، انتقد جميع المواطنين هذا الأمر على مواقع التواصل الاجتماعي، وأن الدولة تزيل المساجد.
وأضاف السيسي، في كلمته بالمؤتمر الوطني للشباب ببرج العرب بالإسكندرية: "الناس كانت بتقول الدولة بتهد الجوامع ويا مسلمين وحرام عليكم.. يا سيدي هنرجع الجوامع تاني وهنرجع الكنائس تاني بس هنرجعها صح".
وتابع: "وأنا بكلمكم كده إحنا شغالين في امتداد محور المحمودية الـ 55 كيلو متر، علشان أوصل للبحيرة، علشان تبقى أنت من الإسكندرية وتكمل المحور لغاية البحيرة ويبقى محور بديل، ويقولك بلد بتحب الطرق".
وأكمل: "أنتوا مش واخدين بالكم يعني إيه بلد ولا إيه.. الدولة حاجة تانية خالص.. الدولة في تخطيط والتخطيط ده بيقوم به علماء ودكاترة جامعة ودكاترة في الوزارات المعنية وبتضع تصور ولو قدرت الدولة تعمله خير.. ولو ما قدرتش يبقى خطط على ورق".
