مكنتش أقصد.. ميرهان حسين تتتراجع عن قرار الاعتزال
أعلنت الفنانة ميرهان حسين تراجعها عن قرار اعتزالها الذي فاجأت به جمهورها على حسابها الشخصي بموقع الصور الشهير «إنستجرام».
وعادت عن قرارها إذ نشرت فيديو جديد قالت فيه إنها لم تكن تقصد اعتزال الفن، ولكنها كانت تقصد أنها ستعتزل السوشيال ميديا، وذلك بعد مرورها بفترة إحباط، حيث قالت: "وحشتوني جدًا، وآسفة إني اختفيت عنكم الفترة اللي فاتت دي، واختفيت عشان أرجع أحسن من الأول، بجد مش عارفة أشكركم إزاي على حبكم واهتمامكم اللي شوفته الفترة اللي فاتت شكرًا لكل أصحابي وأهلي زمايلي والناس اللي بتحبني، وفعلا لولاهم مكنتش هعرف أعدي الأيام اللي فاتت دي".
وتابعت ميرهان حسين: "وبخصوص موضوع اعتزالي، أنا مكنتش أقصد إني بعتزل الفن أنا كنت أقصد إني بعتزل السوشيال ميديا، أعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده".
وأضافت: "كنت مش في أحسن حالاتي وفعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكرا".
