دياب: «خايف أقتل مراتي قتل خطأ وأنا نايم»
تحدث الفنان دياب عن تفاصيل المشكلة التي يعاني منها أثناء نومه، وذلك خلال لقاء له في برنامج صاحبة السعادة الذي تقدمه الإعلامية إسعاد يونس على قناة دي إم سي.
وقال دياب: "أنا برفس وأنا نايم ومراتي مظلومة معايا ظلم مش طبيعي وأنا ما ينفعش أنام في السرير أنا محتاج أنام في الإستاد، وأكتر إصابة عملتها لمراتي هاجر الإبياري بسبب المشكلة دي، كانت في الكوع، أنا ببقى نايم مش عارف بعمل إيه وألاقيها منهارة وهي مغمى عليها وبتعيط من الصبح للظهر وما ببقاش عارفة أنا بعمل إيه بس دي مشكلتي".
وتابع: "أنا فيه حاجات بتعصبني في بعض المواقف وأنا صاحي وبكتمها جوايا علشان ما أزعلش حد وبيصعب عليا أضايق حد ولو دقيقة وعلشان كدا بطلع العصبية دي بالرفس خلال النوم، وخايف أقتل مراتي قتل خطأ وأنا نايم بسبب الرفس، ومحتاج عالم يفسر لي المشكلة دي، أنا ساعات بضرب وأشتم وأنا نايم وهي بتفضل تسألني مين الناس اللي كنت بتشتمهم دول أقول لها دول أصحاب المواقف اللى عصبتني".
