نداء شرارة: «بطلب تكون أسعار تذاكر حفلاتي معقولة ولو عليا هخليها ببلاش»
حرصت الفنانة نداء شرارة أن ترد على ما أثير من جدل حول أسعار التذاكر الخاصة بحفلها في الأردن ومقارنتها بأسعار تذاكر النجم وائل كفوري.
وكتبت نداء شرارة على حسابها الشخصي بموقع التواصل الاجتماعي فيس بوك: "انا المسؤول وانا اللي بطلب تكون اسعار التيكتات بحفلاتي معقوله عشان كل الناس تقدر تحضر ولو علي بخلي كل الناس تحضر ببلاش انا بنت الاردنيين وهمه دعموني كل انسان عندو هدف وانا هدفي ليس المال هدفي افرحهم وحفلاتي بالاردن ب استثناء المهرجانات".
وتابعت: "غالبا بتكون من تنظيمي لاني ما بقدر اغني بأي مكان ف بعمل حفلات بمسارح مرتبه وبرفض ارفع سعر التيكت عشان الناس كلها تقدر تيجي وبربِح تيكتات ل اللي مش قادرين يدفعوا وجمهوري بعرف هاد الشي".
وأضافت: "زمان قبل ما اكون بالفن كنت بحب اروح احضر فنانين بس ما كنت بقدر اشتري تيكتات اليوم بعرف الشعور لذلك بحب كل الناس تيجي وبستمتع بالحفلات اللي جمهورها جاي يحضر ببلاش وبحس وقتها قديش عندي شعبيه مش مجرد حدا مشهور وخلص".
واستكملت: "والنظره المأخوذة عن الفنان الاردني انو مظلوم ياريت نغيرها أحنا برضو بس يكون عنا حفلات بأي بلد برا اسعار التيكتات بتكون مرتفعه وهاد مش بإيدنا لأنو بطبيعة الحال اي فنان رح يجي من برا تكلفته عاليه جدا على قائمين الحفل لذلك يتم رفع سعر التيكت اهلا بكل الفنانين اللي بتنورنا والله يديم علينا نعمة الامن والامان وتضل الاردن بخير وحب وفرح".
