سيدة في محكمة الأسرة: «حماتي هي سبب المشاكل»
توجهت سيدة تدعى نهى. ز، إلى محكمة الأسرة بالزيتون، لكي تطلب الخلع من زوجها، وتنهي حياتها الزوجية، متهمة حماتها بالادعاء عليها بالباطل حتى تستمر الخلافات والمشاكل مع زوجها، دون مبرر.
وقالت الزوجة أمام القاضي: "حماتي مش بتحبني، وعلى طول تفتعل مشاكل معايا بدون مبرر، وتصرفاتها معايا خلتني مش قادة أعيش بالطريقه دي مع ابنها".
وتابعت الزوجة: "أنا متزوجة من 5 سنين، زواج تقليدي، وعشت في بيت عائلة مع حماتي، في البداية كانت الأمور على ما يرام، وبعد فترة بدأت المشاكل بيني وبين زوجي وحماتي تزداد".
وأضافت الزوجة: "حماتي كانت بتستنى زوجي يرجع من الشغل عشان تشتكيلوا إني مبنزلش ومبخدمهاش على عكس الحقيقة".
وختمت الزوجة: "مش قادرة أتحمل العيشة بالشكل ده، عشان كده قررت أرفع عليه قضية خلع".
