بسنت السبقي تكشف كواليس تعاملها مع محمد سامي في آدم ونسل الأغراب

كشفت الفنانة بسنت السبقي، تفاصيل تجربتها في العمل مع المخرج محمد سامي، والتي تجمعهما علاقة صداقة قوية، وذلك خلال استضافتها في برنامج "فيس أوف" على شاشة "هي".

وقالت بسنت السبقي، خلال لقائها مع سارة نخلة: رشحنى للدور فى مسلسل آدم أستاذ محمد سامى ومكنتش عارفة إن هيطلع منى اللى محمد قدر يطلعه فى شخصيتى فى المسلسل مكنتش أعرف أنى هبقى مستفزة بالشكل دة، وكان تحدى أنى اقدر اقدم الشخصية دى فى أول دور فى حياتى ولكن أستاذ محمد وثق فيا، وقال هتطلع زي ما أنا شايف وأحسن كمان".

استكملت: كررت تجربة العمل مع محمد سامى فى فيلم "أهواك" ومسلسل "نسل الأغراب" قدمت دور مختلف صعيدى فى نسل الأغراب محمد سامى قال لي: عايز أورى الناس إن عندك حاجات مختلفة مش البنت الأمورة اللي شكلها حلو عندك قدرات داخلية مختلفة اللهجة الصعيدى كانت صعبة عليا أوي.

كما أوضحت أزمة دورها في مسلسل عملة نادرة في موسم رمضان 2023: "مسلسل عملة نادرة صورنا مشاهد كتير وجينا قبل رمضان قبل العرض بحوالي 4 أيام معرفناش نقفل العرض الدرامى، فكانت مشكلة كبيرة أوي أن الدور مبقاش مفهوم".