ياسر فرج: «محمد رمضان هو نمبر وان الدراما حاليا»

كشف الفنان ياسر فرج، عن نمبر وان الدراما بالنسبة له في الفترة الحالية، قائلا: "محمد رمضان طبعا بسم الله ما شاء الله مسلسله مكسر الدنيا "جعفر العمدة" محدش يقدر يختلف عليه وده مع احترامي لكل الأسماء اللي قولتيها".

كما تحدث فرج، عن سبب الهجوم على الفنان محمد رمضان خلال تصريحاته مع الإعلامية إنجي هشام في برنامج المنسي عبر قناة هي قائلا: "محمد رمضان شوية على السوشيال ميديا الناس شايفاه إنه بيستفزهم بالعربيات أو بالأخبار فشوية ده بيستفز بعض الناس علشان كده بيتحولوا وبيكونوا ضده".

تابع ياسر فرج: "فيه ناس تانية بتنتقد محمد رمضان على الأعمال اللي قدمها قبل كده زمان زي عبده موتة، الألماني والأفلام اللي قبل كده شافوا إن ده وجه جزء كبير من الشباب الصغير لأعمال العنف والشغب".

اختتم قائلا: "ووارد يكون الناس دي عندها حق إنه فعلا ده أثر بنسبة كبيرة، لكن أشك إن محمد رمضان يكون عارف وهو بيعمل الأعمال دي إنها هتأثر".