شاهد.. ياسر فرج يكشف سبب الهجوم على محمد رمضان

كشف ياسر فرج عن نمبر وان الدراما بالنسبة له في الفترة الحالية، قائلا: "محمد رمضان طبعا بسم الله ما شاء الله مسلسله "جعفر العمدة" مكسر الدنيا، ومحدش يقدر يختلف عليه''.

كما تحدث فرج عن سبب الهجوم على الفنان محمد رمضان خلال تصريحاته مع الإعلامية إنجي هشام في برنامج '' المنسي''، عبر قناة "هي": "محمد رمضان شوية على السوشيال ميديا الناس شايفاه أنه بيستفزهم بالعربيات أو بالأخبار، فشوية ده بيستفز بعض الناس علشان كده بيتحولوا وبيكونوا ضده''.

وواصل ياسر خلال حواره: ''في ناس تانية بتنتقد محمد رمضان على الأعمال اللي قدمها قبل كده زمان زي عبده موتة، الألماني، والأفلام اللي قبل كده شافوا أن ده وجه جزءًا كبيرًا من الشباب الصغير لأعمال العنف والشغب''.

واختتم فرج: ''وارد يكون الناس دي عندها حق أنه فعلا ده قصر بنسبة كبيرة لكن أشك أن محمد رمضان يكون عارف وهو بيعمل الأعمال دي أنها هتأثر بالشكل ده''.