أحمد سعد يكشف تفاصيل لقائه بمحمد صلاح: «إنسان جميل وربنا كرمني أني شوفته»
تحدث الفنان أحمد سعد، عن لقائه بنجم نادي ليفربول والمنتخب المصري محمد صلاح، في اليونان.
وأضاف سعد في مداخلته الهاتفية في برنامج «الحكاية» الذي يقدمه الإعلامي عمرو أديب عبر شاشة «MBC مصر»: «أنا أول مرة أشوف محمد صلاح بس أنا بحبه وكان حلمي إني أشوفه من بدري لأنه نموذج مصر محترم، محمد صلاح رمز للإنسان الناجح اللي بيعرف ينبسط، لما تكون مشهور وتعرف تنبسط دي حاجة مهمة جدا».
وتابع: «محمد صلاح حاجة مبهرة وجميلة وبقعد اتفرج عليه وأنا منبهر، صلاح منظم جدا، وقت الشغل شغل، وكانت نفسيتي تعبانة قبل ما أروح اليونان، بسبب اللي حصل معايا، لكن ربنا كرمني بأني شوفت محمد صلاح إنسان جميل».
