«خد ملخص حياتي وضيعه» .. عمرو محمود ياسين يرد على برنسة عبدالغني

رد الفنان عمرو محمود ياسين على الفنانة برنسة عبد الغني، عبر حسابها الشخصي بموقع التواصل الاجتماعي "فيس بوك".

وكتب: "النهاردة لاقيت الخبر ده، على لسان الأستاذة برنسة عبدالغني، وقالت: عمرو محمود ياسين خد ملخص حياتي عشان يتعمل مسلسل وضيعه".

وتابع: "يا أستاذة برنسة تحياتي ليكي أولا، وثانياً حضرتك كنتي قابلتيني وإحنا بنصور مسلسل ونحب تاني ليه على ما أتذكر ولاقيتك من تلقاء نفسك جايبالي ملخص وقولتي لي إقرأه عشان عايزه إني أعمله مسلسل وقتها كنا لسه بنصور وما قدرتش أقرأه وقتها".

وأضاف: "قريته بعد كده لما اتصلتي بيا فكرتيني به بعد فترة طويلة، وقتها أنا قريته وللأسف مالقتش فكرة مناسبة له، وحضرتك ماكلمتينيش تاني وأنا ماتصلتش برضه وده تقصير مني بعتذر لكن مش عارف جبتي منين حكاية اني انا ضيعته ؟؟ مش عارف جبتي الفكرة دي منين ؟ الملخص بتاعك في الحفظ والصون زي ما هو .. وتقدري تاخديه وقت ماتحبي وربنا يكرمك".